NAVO-amptenare het bevestig dat Rusland begin het om die Oekraïne aan te val.
Na berigte het die Russiese president Vladimir Poetin aangekondig het dat hy “besluit het om ’n spesiale militêre operasie uit te voer” om die Donbas-streek in die ooste van die Oekraïne te beskerm.
Die laataand-aanval het veroorsaak dat harde ontploffings in die hoofstad, Kiev, en in die oostelike stad Kharkiv duidelik gehoor kon word.
Volgens ‘n woordvoerder van die Oekraïense regering is daar sedert vroegoggend “kruis- en ballistiese missielaanvalle aan die gang by die beheersentrums” in Kiev.
In sy toespraak op ‘n Russiese staatstelevisie het Poetin gesê dat hy nie van plan is om die Oekraïne te beset nie.
Die aanval het gekom net twee dae nadat Poetin die selfverklaarde “Volksrepublieke” van Donetsk en Luhansk, in die Donbas-streek in die ooste van die Oekraïne, as onafhanklik erken het, wat skokgolwe oor die wêreld en ‘n nuwe ronde sanksies uit die Weste gestuur het. Poetin het ook Russiese magte na die wegbreekstreek gestuur vir wat hy “vredeshandhawings-operasies” genoem het, berig CBS News se Sophie Reardon.
‘n Nasionale noodtoestand is in die Oekraïne afgekondig. Die noodverklaring het owerhede meer mag gegee om “veiligheid van openbare plekke” buite Donetsk en Luhansk te versterk, het Oleksiy Danilov, hoof van nasionale veiligheid van die Oekraïne, gesê.
Rusland het ongeveer 190 000 troepe naby die Oekraïense grens.
President Biden het vroeg Donderdagoggend ‘n verklaring uitgereik en gesê dat die Oekraïnse president Volodymyr Zelensky na hom uitgereik het en die twee het gepraat oor Rusland se “ongeregverdigde aanval.”
Die oproep het kort voor middernag ET plaasgevind, het ‘n Withuis-amptenaar bevestig.
“Ek het hierdie onuitgelokte en ongeregverdigde aanval deur Russiese militêre magte veroordeel. Ek het hom ingelig oor die stappe wat ons neem om internasionale veroordeling te bekom, en dit sluit vanaand by die Verenigde Nasies se Veiligheidsraad in,” het Biden in die verklaring gesê. “Hy het my gevra om ‘n beroep op die leiers van die wêreld te doen om duidelik te praat teen president Poetin se flagrante aggressie, en om saam met die mense van Oekraïne te staan. Môre sal ek met die leiers van die G7, die Verenigde State en ons Bondgenote en vennote vergader en ons sal streng sanksies teen Rusland oplê. Ons sal voortgaan om ondersteuning en bystand aan die Oekraïne en die Oekraïense mense te bied.”
[Bron – Die Waarheid]